ANG WALA SA PASKO

walang maayos na higaan

butas-butas na bubungan

mabahong sabsaban

dito ba ang kapanganakan?

walang usap-usapan

nakabibinging katahimikan

wala yatang nakakaalam

ito ba ang gabing banal?

walang kamuwang-muwang

mahina’t mabuay

batang paslit lamang

ito ba ang Tagapamagitan?

walang magarbong handaan

si Maria’t Jose ang sasalubong

kapayakan ay lubos

ito ba ang Anak ng Diyos?

walang masayang hiyawan

mga pastol at pantas

tanging saksi sa pagsilang

ito ba ang hari ng sanlibutan?

walang madlang nag-iingay

para sa kalayaan

pagkagapi ng kaaway

ito ba ang kaligtasan?

walang sasapat na sagot

sa sanlibo mang tanong

kung di makita’t Maramdaman

kamay ng Diyos, kumikilos

walang malinaw na sagot

sa sanlibo mang tanong

magtiwalang ang kawalan

pupunan ng Sanggol

Christmas today requires so much; christmas trees, christmas lights and christmas carols, exchange gifts, bonuses and parties, noche buena and aguinaldo. As if without any of these would make the season incomplete. There was nothing of this sort when the Son of the Most High was born in a manger, on a quiet night in Bethlehem. In our nothingness, Jesus came as a brother, loving humanity, redeeming our state. Jesus is enough for a meaningful Christmas. Have a blessed Christmas to all!