Isang Taon

‘sang taon na
ng magpaalam sa haring kristo
at tumawid ng boni serrano

‘sang taon na
ng lumusong sa kalye labing walo
at si san roque’y makatagpo

‘sang taon na
ng makasama si Santiago, Juan at Pedro
at lumangoy sa agos ng pagbabagong anyo

‘sang taon na
ng pumikit sa tuktok ng mundo
at dumilat sa haplos ng simoy na totoo

‘sang taon na
ilang taon pa
Panginoon, bahala ka na

[I was installed as the new parish priest of Transfiguration in the month of June, but I spent my first night there on April 26, 2006.]

The Church of Paoay

The Church of Paoay, originally uploaded by dengski.

Standing before churhces that withstood hundreds of years cannot but imbue one's faith with strength and rootedness. The richness of our past ensures the greatness of our future.

Samal, Bataan

Samal, Bataan, originally uploaded by dengski.

Bisita Iglesia 2007
Transfiguration of Our Lord Parish

Kailangan Kang Gumising

Kayong mga anghel, dinggin ang aking samo
Kayo’ng nagbukas ng libingang bato
sa araw ng Pagkabuhay na totoo
Buksan din ang libingan nitong puso
Nanlamig sa pag-ibig, singtigas ng semento

Si Kristo, isinakdal muli sa kamatayan
Sa mundo ng kawalan siya’y nararatay
Halikayo makakapal na anghel
Si Kristo’y gisingin sa pagkahimlay.

Mga anghel, walang imik, balot ng katahimikan
Hanggang mga pakpak sa aki’y yumakap
Simoy ng isang mahinang tinig
Bumubulong: Ikaw. Ikaw. Ikaw ang gigising.

Ikaw ang gigising kay Kristong nakahimlay.
Sa iyong pusong madilim at nanlamig
Basagin ang mabigat na batong tumatakip
sa daluyan ng liwanag at bagong buhay
Kailangan kang gumising
upang si Kristo’y muling mabuhay!

(Inspirasyon mula sa Awit ni Gertrud von le Fort [1936] na sinipi ni Adolf Adam sa kanyang aklat The Key to Faith: Meditations on the Liturgical Year, Collegeville, 1989, 79-80.)

Happy Easter to all!